घन ओथंबून येती.

व्वा, काय पडला पाऊस !
मनसोक्त भिजलो बुवा.

दोन दिवसांपासून वृत्तपत्रांमध्ये बातम्या येत होत्या की ’सगळा मराठवाडा भिजला’, ’मराठवाड्यात जोरदार पाऊस’ वगैरे पण नांदेडमध्ये पाऊसच पडत नव्हता.
मान्सून मराठवाड्यात तसा ११ जूनलाच दाखल झाला होता.
परभणी, औरंगाबाद, बीड, हिंगोली इथे जोरदार पाऊस पडत होता पण नांदेडकरांना अजून पावसाचे दर्शन झाले नव्हते.

फक्त नांदेडवरच निसर्गाची अवकृपा झाली की काय अशी भिती वाटायला लागली होती कारण आकाशात काळे ढग तर जमून यायचे पण त्याच वेळी जोर्‍याचा वारा सुटून त्या ढगांना आपल्यासोबत घेऊन जायचा. :-(
पण सुदैवाने आज तसे झाले नाही.
सकाळपासूनच ढगांनी गर्दी केली होती आकाशात आणि आत्ता ५.१५ च्या सुमारास तो बरसलाच अन्‌ तेही मनसोक्त. :-)

आता मान्सून सगळ्या मराठवाड्यात सक्रीय झाला असे म्हणायला हरकत नाही.


ता. क. :- २८ जून २०१० १०.५१ AM
पडला बुवा काल पाऊस मस्तपैकी.
१३ दिवसांनंतर पडला पाऊस.
काय झालंय पावसाला ?


ता. क. --> २८ जून २०१० 4:18 PM
मस्त, जोरदार पाऊस पडतोय बाहेर.


ता. क. --> १ जुलै २०१० 4:26 PM
गेल्या ४ दिवसांपासून थोडी थोडी विश्रांती घेऊन दमदार पाऊस पडतोय नांदेडात.
आज तर थोडा मनसोक्तच बरसतोय.
गेला तासभर जोरदार पाऊस पडतोय.
जून महिण्याची सगळी कसर जुलैमध्ये भरून काढणार बहुतेक वरूणराजा.