Sunday, March 28, 2010

माझ्या फोटो आणि प्रजावाणीची बातमी.



नमस्कार मित्रांनो,
नांदेड शहरातील दिशादर्शक फलकांवरील अशुद्धलेखनाच्या चुकांच्या मी काढलेल्या फोटो तर तुम्हाला माहितच असतील.
मी त्या फोटो आपल्या ब्लॉगवरही पोस्ट केल्या होत्या आणि काही महिन्यांपूर्वी त्या फोटो लोकसत्ता वृत्तपत्रातदेखील छापून आल्या होत्या.

याशिवाय मी त्या फोटो माझ्या ऑर्कूट प्रोफाईलच्या अल्बममध्येसुद्धा अपलोड केल्या होत्या.
त्या फोटो पाहून वार्ड क्र. २२ चे नगरसेवक श्री. विपूल मोळके यांनी त्याबाबत नक्कीच काहितरी करता येईल असे मला सांगितले होते.
काही दिवसांपूर्वीच त्यांनी मनपा आयुक्त डॉ. श्री. दिपक म्हैसेकर यांना त्याबाबत ई-मेलदेखील केला होता.

हे सगळं मी तुम्हाला आज सांगायचे कारण म्हणजे आजच्या प्रजावाणीची या विषयावरील बातमी.
प्रजावाणीने आजच्या अंकात या दिशादर्शकांवरील अशुद्धलेखनाबद्दल मोठी बातमी छापली आहे.

आता त्या अशुद्धलेखनाच्या चुका दुरूस्त होतील अशी आशा बाळगुयात.


:: प्रजावाणीतील त्या बातमीचा फोटो ::

Saturday, March 27, 2010

ऑर्कूट आणि नांदेडचा विकास

नमस्कार मित्रांनो,
आपण नेहमी नांदेडच्या विकासाच्या मुद्द्यावर चर्चा करत आलोत.
आजवर ती चर्चा फक्त ऑर्कूटपुरतीच किंवा आपल्या ह्या ब्लॉगपुरतीच मर्यादीत होती कारण त्या चर्चेकडे सकारात्मक दृष्टीकोनातून पाहणारा नांदेडचा एकही राजकीय नेता किंवा सामाजिक कार्यकर्ता ऑर्कूटवर नव्हता.

पण आता तसे होणार नाही, कारण आता ऑर्कूटवर श्री. निलेश पावडे आणि श्री. विपूल मोळके या दोन व्यक्तींनी मोर्चा (अकांऊट) उघडला आहे. :p

श्री. निलेश पावडे हे युवक कॉंग्रेसचे नांदेड जिल्ह्याचे Legal Advisor आहेत.
त्यांच्या पत्नी सौ. जयश्री निलेश पावडे ह्या कॉंग्रेसच्या असून त्या वार्ड क्रमांक १३ च्या नगरसेविका आहेत.

श्री. विपूल मोळके हे कॉंग्रसचेच वार्ड क्रमांक २२ मधले नगरसेवक आहेत.
ते स्थायी समितीचे माजी सदस्य आहेत.

तेव्हा तुम्ही आता तुमच्या काही शंका किंवा सुचना असतील तर सरळ त्यांच्यापर्यंत पाठवू शकता.

ते या सगळ्या चर्चांकडे सकारात्मकरीत्या पाहत असल्याची माझीसुद्धा खात्री पटली आहे कारण कालच त्यांनी शहरातील दिशादर्शकांवरील अशुद्धलेखनाची तक्रार मनपा आयुक्त डॉ. श्री. दिपक म्हैसेकर यांच्याकडे केली आहे. (आठवताहेत का मी काढलेल्या ह्या फोटो ? (1) (2) (3) )
त्यावर डॉ. दिपक म्हैसेकर यांनी आम्ही योग्य ती कार्रवाई करू असे आश्वासन दिले आहे.


कचर्‍याचा प्रश्न, मनपाच्या वेबसाईटमधील काही त्रुटी, फुटलेल्या पाईप्समधून होणारा पाण्याचा अपव्यय या आणि अशा अनेक समस्यांकडे लक्ष देण्यात येईल असे श्री. विपूल मोळके यांनी कबूल केले आहे.


विपूल मोळके आणि निलेश पावडे यांच्या अशा सकारात्मक प्रतिसादामुळे अनेक सभासद त्यांच्या ऑर्कूटवरील कम्युनिटीकडे आकर्षीत होत आहेत आणि आपापल्या शंका, तक्रारी किंवा सल्ले तीथे मांडत आहेत.


ऑर्कूटसारख्या सोशल नेटवर्किंग साईटच्या नावाने नेहमी खडे फोडणार्यांनी हे पाहावे की ऑर्कूटवरून अशी विधायक कामंसुद्धा होऊ शकतात.

Friday, March 26, 2010

'स्टॅंडिंग'मध्ये महापौरांचा घरचा आहेर

नांदेड - महापालिकेच्या स्थायी समितीची सभा गुरुवारी (ता. 25) पार पडली.
या सभेत सफाई कामगारांची भरती आणि जवाहरलाल नेहरू योजनेतील बसेस चालविण्याबाबत चर्चा झाली.
दरम्यान, सुरवातीला महापौर प्रकाश मुथा यांनीच महापालिकेच्या कारभारावर नाराजी व्यक्त केल्याने आश्‍चर्य व्यक्त करण्यात येत आहे.

स्थायी समितीच्या बुधवारी (ता. 24) झालेल्या अंतर्गत अनौपचारिक बैठकीनंतर गुरुवारी सभा पार पडली.
या सभेत विविध 38 ठरावांना मंजुरी देण्यात आली.
सभेच्या सुरवातीलाच स्थायी समितीचे सदस्य असलेल्या महापौर प्रकाश मुथा यांनी महापालिकेच्या अधिकाऱ्यांना धारेवर धरले.
स्वच्छता कर्मचाऱ्यांअभावी नागरिकांच्या रोषाला सामोरे जावे लागत असल्याचे त्यांचे म्हणणे होते.
शहरातील काही कामे पूर्ण होण्याच्या अगोदरच घाईघाईने उद्‌घाटन उरकण्यात आल्याबद्दलही त्यांनी टीका केली.
स्वतः महापौर असतानाही श्री. मुथा यांनी महापालिकेच्या कारभारावर टीका केली, त्याबाबत आश्‍चर्य व्यक्त करण्यात येत आहे.

आपले म्हणणे मांडल्यानंतर सभा संपण्यापूर्वीच श्री. मुथा यांनी सभेतून काढता पाय घेतला.
त्यानंतर सभा सुरळीत पार पडली.
जवाहरलाल नेहरू योजनेत मंजूर झालेल्या 30 बसेस महापालिकेला प्राप्त झाल्या असून अजून एकही बस रस्त्यावर धावली नाही.
या बसेस चालविण्याचा ठेका पुणे येथील प्रसन्ना कंपनीला देण्याचा ठराव या सभेत मंजूर करण्यात आला.
या स्पर्धेत सध्याची लालपरी चालविण्याचा ठेका असलेली सिद्धेश्‍वर कंपनीही होती.
या सभेला स्थायी समितीचे सभापती किशोर स्वामी यांनी संबोधित केले.
या वेळी उपायुक्त रत्नाकर वाघमारे, सुरेश कळसकर, शशीमोहन नंदा, महेश खोमणे, अब्दुल शमीम, तुलजेश यादव, रज्जाक, संगीता बियाणी, दीपाली मोरे आदींसह सदस्य उपस्थित होते.


Source --> Esakal.

Tuesday, March 23, 2010

ग्रीन सिटी - नांदेड

गुरूद्वारा लंगर साहिब यांनी शहराला ’हरीत शहर’ म्हणून ओळख मिळवून देण्याचा संकल्प केला होता हे तर आपल्याला माहितच असेल.
सध्या शहरात त्याचीच अंमलबजावणी होतांना दिसून येत आहे.

शहरातील प्रमुख रस्त्यांच्या बाजूला किंवा डिव्हाईडरच्या जागी बर्‍यापैकी वाढ झालेली शोभेची झाडं लावण्यात येत आहेत.
यामुळे खरोखरच नांदेडची शोभा वाढत आहे.

पण मूळ प्रश्न हा आहे की या झाडांची निगा घेतली जाणार आहे का ?
जर निगा घेतली जाणार असेल तर कोण घेणार, मनपा की गुरूद्वारा लंगर साहिब ?

Monday, March 22, 2010

८३ वे हायटेक अ. भा. मराठी साहित्य संमेलन


पुण्यातील ८३ वे अ. भा. मराठी साहित्य संमेलन खरोखरच हायटेक बनले आहे.
तुम्ही नांदेडमध्ये असूनही पुण्यातील साहित्य संमेलनाचा आस्वाद घेऊ शकता.

ज्या साहित्यप्रेमी रसिकांना साहित्य संमेलनंस्थळी जाणे शक्य नव्हते त्यांच्यासाठी तर ही पर्वणीच आहे.
होय, नांदेडच्या शंकरराव चव्हाण प्रेक्षागृहात बसूनदेखील तुम्ही या साहित्य संमेलनातील प्रमुख कार्यक्रम पडद्यावर पाहू शकता.

हे शक्य केले आहे पुण्याच्याच महाराष्ट्र ज्ञान महामंडळ या संस्थेने.
संमेलनातील सर्व प्रमुख कार्यक्रम पडद्यावर लाईव्ह दाखवण्यासाठी या संस्थेने महाराष्ट्रातील ९ शहरांची निवड केलेली आहे आणि त्यात नांदेडचाही समावेश आहे.
आणि विशेष म्हणजे हे सर्व कार्यक्रम तुम्ही शंकरराव चव्हाण प्रेक्षागृहात विनामुल्य पाहू शकता.
आहे की नाही आनंदाची बाब ?


:: कार्यक्रमाचे वेळापत्रक ::

२६ मार्च
सकाळी ९:०० ते दुपारी १:०० पर्यंत काही स्थानिक कार्यक्रम आणि संमेलनाच्या उद्घाटनाचे थेट प्रक्षेपण.
सायंकाळी ५:०० ते रात्री १०:०० पर्यंत संमेलनातील कथाकथन, कविसंमेलनाचे थेट प्रक्षेपण.

२७ मार्च
सायंकाळी ४:०० ते ६:०० या वेळात नांदेडच्या कवींचे कविसंमेलन.
आणि सायंकाळी ६:०० वाजता संमेलनातील कवि मंगेश पाडगावकर यांचा मुलांशी संवाद

२८ मार्च
सायंकाळी ६:३० च्या अगोदर परिसंवाद आणि कथाकथन.
सायंकाळी ६:३० ते ८:०० संमेलनाचा सांगता समारंभ.



तुमच्याकडे High Speed Broadband Internet Connection असेल तर तुम्ही घरबसल्या इंटरनेटवरसुद्धा संमेलन लाईव्ह पाहू शकता.

:: संकेतस्थळ ::
http://www.mkcl.org/mss/





:: साहित्य संमेलनाचे अधिकृत संकेतस्थळ ::
http://www.sahityasammelan2010.com/



Sunday, March 21, 2010

नांदेड भारनियमनमुक्त होणार.

वीज वितरण कंपनीच्या निर्णयानुसार दि. एप्रिल २०१० पासून नांदेड भारनियमनमुक्त होणार असून प्रति युनिटमागे ४७ पैशांची वाढ होणार असल्याचे सांगण्यात येते.
वीज वितरण कंपनीने राज्यातील काही जिल्ह्यांसह नांदेड जिल्हाही भारनियमनमुक्त करण्याचा निर्णय घेतला आहे.
ज्या जिल्ह्यात विजेची ४२ टक्के पेक्षा कमी तुट आहे अशा जिल्ह्यांची निवड वीज वितरण कंपनीने केली आहे.

याबाबतचा अंतीम निर्णय २५ मार्च रोजी वीज नियामक आयोगासमोर होणार आहे.
त्यानंतर नांदेड एप्रिलपासून भारनियमनमुक्त होणार असल्याचे वृत्त आहे.

-- दैनिक समिक्षा (२० मार्च २०१०)


विश्वास बसत नाहीये ना ?
अहो तुमची काय चूक त्यात, 'नांदेड भारनियमनमुक्त होईल' या वाक्यावर कुणाचाही विश्वास बसणार नाही.
पण काही दिवसांपासून सगळ्या वृत्तपत्रांत यांसंबंधीच्या बातम्या येत आहेत, तेव्हा विश्वास ठेवायला काय हरकत आहे.



या बातमीमुळे माझे आई-वडील फार नाराज झाले आहेत.
भारनियमनाचा सध्या जो कार्यक्रम सुरू आहे, त्यानुसार किमान लाईट गेल्यावर तरी साहजिकच मला नाईलाजास्तव लॅपटॉप/इंटरनेट बंद करावेच लागते आणि अभ्यास नावाच्या शत्रूला लाईट येईपर्यंत मित्र बनवावे लागते.
आता माझ्या आई-वडीलांना भीती वाटत आहे की मी दिवसभर लॅपटॉपपुढून हलणारच नाही. (त्यांना अशी भीती वाटणे साहजिकच आहे, कारण आपल्याला भीती त्याच गोष्टीची वाटते जी गोष्ट घडू शकते.)

काही दिवसांतच 'ईन्व्हर्टर :- माणसाचा खरा मित्र' हा निबंध परीक्षेत विचारल्या जाऊ शकला असता, पण आता त्या ईन्व्हर्टरचे भवीतव्य काय असेल माहित नाही.


आता फक्त वीज वितरण कंपनीने आपल्याला १ एप्रीलला "एप्रिल फूल" बनवू नये म्हणजे झालं.
>

Friday, March 19, 2010

पक्ष्यांना वाचवूया चला....

कित्येक पक्षी उन्हाळ्यात पाण्यावाचून मरतात, आपल्या एका छोटाश्या मदतीने विशेष कष्ट न घेता आपण त्यांचा जीव वाचवू शकतो .. नाही का ?

हे करा :-

आपल्या घराच्या / वाड्याच्या / बंगल्याच्या गच्चीवर , अंगणात , वरांड्यात , गॅलरीत छोट्याश्या भांड्यांमध्ये , फुलपात्रात किव्हा दगडी कुंड्यात पाणी भरून ठेऊ शकतो जेणेकरून पक्ष्यांना अगदी सहजपणे उन्हाळ्यात पाणी मिळू शकेल व त्यांचा जीव वाचू शकेल.

विचार करा आपल्यापैकी प्रत्येकाने हे छोटेसे काम केल्यास पक्ष्यांना सहजपणे पाणी उपलब्ध होईल.

शेवटी आपणच झाडे कापून त्यांची जागा बळकावली आहे आता थोडीशी मदत करून प्रायश्चित करायला काय हरकत आहे ?


not a big deal... isn't it?






उद्या जागतिक घरचिमणी दिवस आहे. (२० मार्च)

मी माझ्या घराच्या अंगणात लावण्यासाठी २ स्पॅरो हाऊस आणले आहेत.





माझ्या घराच्या गच्चीवर भरलेली पक्ष्यांची मांदियाळी :-









Tuesday, March 16, 2010

गुढीपाडव्याच्या हार्दिक शुभेच्छा !

तमाम नांदेडीअन्सना गुढीपाडव्याच्या हार्दिक शुभेच्छा !


Wednesday, March 10, 2010

ट्रेजर बाजार - एक अनुभव.


अनेक दिवसांपासून ट्रेजर बाजारमधल्या शॉपिंग अनुभवावर एक ब्लॉगपोस्ट टाकायचा होता, पण मुहूर्तच लागत नव्हता.   : p

काही दिवसांपूर्वीच मी ट्रेजर बाजारमध्ये जाऊन आलो.
नांदेडच्या पहिल्या-वहिल्या शॉपिंग मॉलमध्ये खरेदी करण्याचा माझा अनुभव तुम्हाला सांगतो.

पार्किंगची छान सोय केली आहे ट्रेजर बाजारमध्ये.
अशी पार्किंगची व्यवस्था मराठवाड्यात बहुधा कुठेच नसावी.
गाडी (पाचव्या का सहाव्या ते आता आठवत नाहीये.) मजल्यावर पार्क करून सर्वप्रथम आम्ही बिग-बाजारमध्ये गेलो. (इथले एस्कलेटर्स तर नांदेडीअन्सच्या कुतूहलाचा विषय ठरले आहेत.)


यापूर्वीही मी पुणे, मुंबईच्या बिग बाजारमध्ये शॉपिंग केलेली असल्यामुळे इथले बिग बाजार काही वेगळे असण्याची अपेक्षा माझ्या मनात नव्हतीच.
वस्तूंवर डिस्काऊंट, किंवा एकावर एक फ्री अशा अनेक स्कीम्सचा लाभ तुम्हाला बिग बाजारमध्ये घेता येईल.
बिग बाजारमधल्याच फ्रुट बाजारची फळे काही ताजी वाटली नाहीत.
फुड बाजारमधली भेळ छान होती. (किंमत जास्त आहे, पण इतक्या मोठ्या मॉलमध्ये ते साहजिक आहे.)
बिग बाजारमध्ये मनसोक्त शॉपिंग करून आम्ही आमचा मोर्चा दुसर्‍या दुकानांकडे वळवला.

वरच्या मजल्यावर मॅक्स, फॅशन यात्रा, स्पायकार अशा नामवंत कपड्यांच्या ब्रॅंड्सची दुकानं आहेत.
साध्या मध्यमवर्गियांसाठी इथे कपडे खरेदी करणे म्हणजे एक दिव्यच आहे.
त्यामुळे आम्हालासुद्धा नाईलाजास्तव इथे विंडो शॉपिंगच करावी लागली.

ट्रेजर बाजारमधले ४ स्क्रीन्सचे मल्टिप्लेक्स आणि ५६ खोल्यांचे ३ स्टार हॉटेल अजून सुरू झाले नाही.

चालून चालून थकला असाल तर विश्रांती घेण्यासाठी बाकं ठेवलेली आहेत. (यांची संख्या वाढवायला हवी.)
भूक लागली असेल तर बिग बाजारमधल्या फुड बाजारव्यतिरीक्त वरच्या मजल्यावर पाणीपुरी, भेळचा एक स्टॉल आहे.
आनंदनगरचे मयुर आईसक्रीम पार्लर ज्यांचे आहे, त्यांनी ट्रेजर बाजारमध्येसुद्धा आईसक्रीम पार्लर उघडले आहे.

थोडीफार शॉपिंग, थोडीफार विंडो शॉपिंग, थोडे खाणे-पिणे अशात ३ तास कसे निघून गेले ते कळालेसुद्धा नाही.
तर असा होता आमचा एकंदरीत ट्रेजर बाजारचा अनुभव.

एक मात्र नक्की की, ट्रेजर बाजारने नांदेड शहराच्या वैभवात चार चांद लावले आहेत.




माझ्या एकट्याचा शॉपिंग अनुभव सांगायला मी काही शॉपिंग महागुरू ('एकापेक्षा एक'मुळे आजकाल ’गुरू’ हा शब्द कुणीच वापरत नाहीये, त्यामुळे ’महागुरू’.) नाहीये.
म्हणून मी माझ्या, प्रत्यक्षात कधीही न भेटलेल्या परंतु अगदी जवळच्या अशा इंटरनेटवरील मित्रांना ट्रेजर बाजारमधील त्यांचा शॉपिंग अनुभव आपल्यासोबत शेअर करण्याची विनंती केली.
आळस न दाखवता काही दिवसांतच त्यांनी त्यांचा अनुभव लेखी स्वरूपात माझ्यापर्यंत पोहोचविला.
त्याबद्दल मी त्यांचा अत्यंत आभारी आहे.



C.A. च्या अंतीम वर्षात शिकणारा आदेश गट्टाणी म्हणतो :-


I have been living in pune since years and have been to mall many times but the happiness which I got in Treasure Bazaar that was difinitely much higher than earlier as it was in my city Nanded.
I am still waiting for the entire opening of the theatre, hotel, gaming zone etc..


When I went there i just could not resist myself spendin Rs. 2000.. purchased 2 jeans...

People were very excited there as many villagers also came there.
Eescliers was the main centre of attraction. 
But I am happy that these people also got the oppurtunity to experince these kind of facilities that are only the part of metros.



मुळचा नांदेडचा पण सध्या पुण्यात माहिती तंत्रज्ञान अभियंता व सध्या मॅनेजमेंट मधे उच्च शिक्षण घेत असलेला नीरज आडे म्हणतो :-


I visited the mall today,(25 Jan 09) and I was quite surprised by the scene straight away ! 

It is too huge than I had imagined.

Parking
The multi storeyed parking is a wonder !
It is very well planned and organised.
It has a good parking lot for a large number of vehicles.

Treasure bazar
Is a good market. 
Seems to be come up with limited variety of brands like mufti, spykar, integriti, basics, peter england, etc.
Offers were not at all satisfactory in these stores. 
Still a long way to go for them i feel...

Max market
This is something i've never seen before. 
But have to say, it is complete nonsense. 
Unnecessarily highly expensive for very nominal quality garments. 
Gotta be shutdown very soon !

Big bazar
Hmmm. Gotta say it disappointed. 
Fashion bazar is disappointing. Very less variety. 
Food bazar was at its best, it was completely crowded by customers with good offers.

All in all, good one for our city. Still, a long way to go.

Lets see, how it comes up with the multiplex...


 

रोहीत पवार नांदेडच्याच S.G.G.S. कॉलेजमध्ये Electronics and Telecommunication शिकत आहे.
तो म्हणतो :-
 

23rd jan 09 is the day on whch Mallika Arora was present in treasure bazaar that was my and
my Family's  1st entry in t.b. dats why it is one of my memorable moment
or dat whole day.
Really it was a moment two Cherish for me.

One more thing I noticed in that 5 to 6 hr's that big bazzar is not as good as like it is
in Pune.
It lacks very products and lots of space.

Shopping at fruit bazzer were normal as like we do in sabji mandi.
Same rate but little bit quality is good.

On 1st floor and 2nd floor both from right and left side, lots of shop's international brands with high
rates, so middle class people must think twice before buying anything there.

But anyways all over it was good experince of shopping in Nanded's 1st mall which is having parking on 7th floor which is itself makes t.b different frm all other malls. :-p



Monday, March 8, 2010

जागतिक महिला दिन.

जागतिक महिला दिनानिमित्त शुभेच्छा.

यत्र नार्यस्तु पूज्यते रमन्ते तत्र देवताः ...




जागतिक महिला दिनाचा इतिहास
http://www.un.org/events/women/iwd/2005/history.html

Monday, March 1, 2010

हॅप्पी होली.

 

 

नांदेडीअन्सच्या तमाम वाचकांना होळी आणि धूलिवंदनाच्या हार्दिक शुभेच्छा.